Alice in Wonderland (3D) பார்த்தேன். படைப்பூக்கம் குறைவு தான். ஒரு முறை பார்க்கலாம். நானும் அத்தையும் படத்தை ஆர்வமாகப் பார்க்க, அக்கா பையனோ “நான் மகான் அல்ல” போய் இருக்கலாம் என்று புலம்பிக் கொண்டிருந்தான். ம்ம்.
Tagged: திரைப்படம் RSS
-
ரவி
-
ரவி
நான் மகான் அல்ல பார்த்தேன். இதயத் துடிப்பை எகிற வைக்கும் இயல்பான விறுவிறு குற்றப் படம் (realistic crime thriller
) நொடியில் கொலை செய்யும் பதின் வயதினரின் குற்றப் பின்னணியில் விரிகிறது. கண்டிப்பாகப் பார்க்கலாம். சுசீந்திரன் அசத்துகிறார். -
ரவி
Harry Brown பார்த்தேன். மாறுபட்ட படம். ஐக்கிய இராச்சியத்தின் உண்மை நிலை இப்படித் தான் இருக்கிறது என்ற IMDB உரையாடல்கள் தான் அதிர வைக்கிறது.
-
ரவி
Le Grand Voyage பார்த்தேன். நல்ல படம். இசுலாமைப் பற்றியும், மத்திய கிழக்கு மக்களின் வாழ்க்கையைப் பற்றியும் புரிந்து கொள்ள நிறைய இருக்கிறது.
-
ரவி
வம்சம் பார்த்தேன். துணிச்சலான சோதனை முயற்சி. இன்னும் நேர்த்தியாகச் செய்திருந்தால் இன்னொரு தேவர் மகனோ உதிரிப்பூக்களோ கிடைத்திருக்கும். படம் சில இடங்களில் ஆவணப்படம் போலவும் தொலைக்காட்சித் தொடர் போலவும் பள்ளிக்கூட நாடகம் போலவும் கட்டு இழப்பது தான் பெரிய குறை. இந்த அளவுக்கு ஒரு மாவட்டத்து மண்ணையும் மக்களையும் பழக்கவழக்கங்களையும் விரிவாக பதிவு செய்த தமிழ்ப் படங்கள் குறைவு. நான் வளர்ந்த புதுக்கோட்டை மாவட்டம் என்பதால் இன்னும் ஈடுபாட்டோடு பார்க்க முடிகிறது. ஒரு முறை பார்க்கலாம். இயக்குநர் பாண்டிராசு “ஒரு பட அதிசயமாக” இல்லாமல் அடுத்த படத்தை இன்னும் நேர்த்தியாகத் தர வேண்டும்.
-
ரவி
Race (2008 இந்தித் திரைப்படம்) பார்த்தேன். சாயப் அலி கானை நம்பி ஏமாந்து போனேன். தவிர்க்கக்கூடிய படம்.
-
ரவி
Matt Damonக்காக Green Zone பார்த்தேன். ஊருக்கே தெரிந்த உண்மையைப் பொறுமையாக காட்டுகிறார்கள். சுமாரான படம் தான்.
-
ரவி
மரியாத ராமண்ணா பார்த்தேன். திரைக்கதை கொஞ்சம் வழ வழா தான். ஒரு முறை பார்க்கலாம். தமிழின் எந்த முன்னணி இயக்குநர் இப்படி ஒரு நகைச்சுவை நடிகரை வைத்துப் படம் இயக்க முன்வருவார் என்று நினைக்கத் தோன்றுகிறது.
-
ரவி
Ready பார்த்தேன். கொஞ்சம் கடி தான். இந்தப் படத்தை ஏன் தமிழில் திரும்ப எடுக்கிறார்கள் என்று புரியவில்லை.
-
கார்த்திக்
//Ready பார்த்தேன். கொஞ்சம் கடி தான்
ROTFL
-
-
ரவி
தில்லாலங்கடி பார்த்தேன். ஆந்திரா ஊறுகாய்க்கு Kick கூடத்தான் போல
ஈ பறப்பதைக் கூட தெலுங்கு படத்தில் இருந்து copy அடிச்சிட்டு, எப்படித் தான் திரைக்கதை தன்னுடையதுன்னு பெயர் போட்டுக்கிறாங்களோ…-
kanummc
Regarding remake movies, we should not see the telugu movie first, if so to see in tamil version its horrible
-
ரவி
ஆமா அனு. ஆனா, அதிசயமா சில படங்கள் நல்லா வரதும் உண்டு. தெலுங்கில் முதலில் வந்த ஒக்கடுவை விட தமிழில் வந்த கில்லி நல்லா இருந்தது. இந்தியில் வந்த கசினி தமிழை விட நல்ல திரைக்கதை உடையது. ஆனால், முருகதாசே அதை இயக்கி இருந்தார்.
-
-
ரவி
Salt பார்த்தேன். உப்புச் சப்பில்லாத படம்.
-
கார்த்திக்
நறுக்
-
-
ரவி
Inception பார்த்தேன். கல்லூரி நுழைவுத் தேர்வுக்குப் பிறகு இவ்வளவு உன்னிப்பாக ஒரு விசயத்தைச் செய்தது இல்லை
படம் மொத்தமே கனவுக்குள் கனவுக்குள் கனவு என்று போய்க் கொண்டே இருப்பதால் கொஞ்சம் அசந்தாலும் எது கனவு எது நினைவு என்று புரியாமல் போய் விடும். படத்தின் இறுதிக் காட்சிக்கு முன்பு வரும் அனைத்தும் லியனார்டோ சாதாரண மனிதர்களைப் போல் காணும் ஒரு விந்தையான கனவு என்பது தான் எனக்குப் புரிந்தது திரையரங்குக்குள் இருக்கும் மலைப்பு வெளியே வந்ததும் காணாமல் போய் விடுகிறது. லியனார்டோவின் முந்தைய படமான shutter islandக்கும் இதற்கும் கூட சில ஒற்றுமைகள் இருக்கின்றன. திரையரங்கில் ஆங்கிலத்திலேயே உரைத் துணை போட்டதும் நன்றாக இருந்தது. ஒரு முறை பார்க்கலாம்.-
கார்த்திக்
Shutter Island மாதிரி இருந்துச்சா. அய்யோ, இப்பவே கண்ண கட்டுதே..
எனக்கு அந்த படமே லேட்டாத் தான் புரிஞ்சிச்சு. -
ரவி
IMDB உரையாடல்களே துணை
-
-
ரவி
மதராசப்பட்டினம் பார்த்தேன். தமிழ்த் திரைக்கு என்ன ஆச்சு? நல்ல நல்ல படமா வருது ! படம் பார்க்கும் போதே சிலிர்க்குது. ரொம்ப நாள் கழிச்சு மனசை ஒன்றை வைக்கும் காதல் கதை. இயக்குநர், கலை இயக்குநர், இசையமைப்பாளர், வரை கலை வடிவமைப்பாளர், நடிகர்கள் எல்லாரின் உழைப்பும் பாராட்டுக்குரியது.
-
mayooresan
அலுவலகத்திற்கு முன்னால் உள்ள தியட்டரில் ஒடுது. அப்ப இன்று மாலை உள்ளே பூந்து விடவேண்டியதுதான்
-
kanummc
oru naalaiku ne ethanai padam paarpa?
-
ரவி
ஒரு நாளில் திரையரங்கிலேயே மூன்று படங்கள் வரிசையாகப் பார்த்திருப்பது தான் இது வரைக்குமான சாதனை
-
-
புருனோ
From My Tweets while watching the movie
- Glad to note that director took pain to show a map with princely states pudukottai travancore mysore wynad
- Which side of road will spencer plaza come when going from harbour to raj bhavan I believe it was on the wrong side in the movie
- Was chennai called #madarasapattinam i know it was chennapattinam and madras
- How many noticed that the map shown during title of #madarasapattinam was india’s map at 1945
- Yes !! chennai had trams
- Wondering how much will songs of maymadam suit for #madarasapattinam
- Gvprakash has done am excellent job but still arr would have done better for such a heavy script
- Too many similarities between #madarasapattinam and titanic
- Could not avoid remembering the song from tamilpadam(siva mortuary!!) which watching duraiammal trust
- Why can’t doctor vijay see #madarasapattinam once to know that tamil movies can be like this also
- Don’t miss the end credits. Some interesting pictures about British Chennai there
-
p.c.krishnakumar
iis very nice film
-
-
ரவி
Invictus பார்த்தேன். மண்டேலாவின் தலைமைப் பண்பும் தொலைநோக்கும் நெஞ்சுரமும் வியக்க வைக்கிறது. அவருடைய தமிழ் விக்கி கட்டுரையை விரிவு படுத்த வேண்டும் !! இது போன்ற வரலாற்றுப் படங்களில் ஏதாவது குறை இருந்தாலும் கூட பொருட்படுத்தத் தோன்றவில்லை.
-
ரவி
Collateral பார்த்தேன். நல்லா இருக்கு. ஏனோ பின்னணி இசை தான் எல்லாவற்றையும் விட ரொம்ப ஈர்த்தது. அடியாள் பாத்திரங்களை பார்க்கும் போது எல்லாம் அவர்களின் தொழில் நேர்த்தி வியக்க வைக்கிறது
-
கார்த்திக்
பரிந்துரைக்கு நன்றி, ரவி.
நேற்று தான் பார்த்தேன். படம் அருமையான ஆக்சன் திரில்லர். ஒரு முன்ணணி நடிகராக இருந்து கொண்டு வில்லன் பாத்திரத்தில் நடித்திருக்கும் டாம் குரூசு வியக்க வைக்கிறார். அவர் body language-ம், துப்பாக்கி கையாளும் விதமும், ஏன் இவர் 007 ஆக நடிக்கவில்லை என்று யோசிக்க வைக்கிறது. அப்பாவி வேடத்தில் ஜேமி பாக்சும் அசத்துகிறார். இந்த இருவரும் இல்லையென்றால் படம் அவ்வளவு வலுவாக இருந்திராது.
மைக்கேல் மேன்னின் முந்தைய படமான Heat-ஐ தரையிறக்கி கொண்டிருக்கிறேன். அதுவும் இதே வகையான படமென்று imdb சொல்கிறது.
-
-
ரவி
Nim’s Island பார்த்தேன். நிறைவான படம். Abigail Breslinஐ அள்ளிக் கொஞ்சலாம் போல இருக்கிறது.
-
sureshkannan
ரவி, உங்களின் ஒருவரி, இரண்டு வரி விமர்சனங்களும் குறிப்புகளும் சுவாரசியமாகவே இருக்கிறது. கூடவே நீங்கள் name dropping செய்கிறீர்களோ என்று சந்தேகம் வருவதை தவிர்க்க முடியவில்லை. இதில் உங்களின் தவறொன்றுமில்லை என்றாலும் ஏனோ சொல்லிவிட வேண்டுமென்று தோன்றியது எனது ஈகோதான் காரணமாயிருக்க வேண்டும்.
-
ரவி
suresh kannan, நீங்கள் என் உளறல்களைக் கவனிப்பதில் மகிழ்ச்சி. உங்கள் வலைப்பதிவு மூலம் பல நல்ல படங்களை அறிந்து பார்த்திருக்கிறேன். நான் எங்க namedropping செஞ்சென்னு புரியல. சுட்டிக் காட்டினால் உதவும். நன்றி.
-
-
ரவி
ஆனந்தபுரத்து வீடு பார்த்தேன். நாகா எடுத்த மர்மதேசம் நாடகத்தை விட விறுவிறுப்பு குறைவு தான். ஒரு முறை தொலைக்காட்சியில் பார்க்கலாம். Feel good love story மாதிரி சங்கர் Feel good பேய் படம் எடுக்கிறாரோ
-
சந்தோஷ் குரு
பெங்களூரில் உள்ள ஒரு காஃபி கடையில் அமர்ந்திருந்த அனுராக் காஷ்யப் கிட்ட சும்மா பேச்சு கொடுத்திருக்கிறான் என் நண்பன் ஒருவன். மிகவும் எளிமையாக, இயக்குநர் என்ற பந்தா ஏதும் இன்றி அரட்டை அடித்திருக்கிறார். அப்போது, வழக்கம் போல் அவரிடம், சமீபத்தில் அவர் பார்த்ததில் மிகவும் கவர்ந்த படம் பற்றி கேட்ட போது, 13 Tzameti என்ற படத்தினை பற்றி சொல்லியிருக்கிறார். அடுத்த சில நாட்களிலே தரவிறக்கி பார்த்தேன். எனக்கு மிகவும் பிடித்திருந்தது. நான் பார்த்த சமீபத்திய Suspense படங்களில் மிகவும் சுவாரசியமான திரைப்படம். கண்டிப்பாக அனைவருக்கும் பரிந்துரைக்கிறேன்.
-
ரவி
லீடர் ( 2010 தெலுங்குத் திரைப்படம் ) பார்த்தேன். பிடித்திருந்தது. ஒரு அரசியல் படத்தைக் கூட சேகர் கம்முலா தனது அமைதியான பாணியில் (படத்தில் சண்டையே இல்லை !) கொடுத்திருப்பது அருமை. பிரியா ஆனந்த், கமலினி சாயலில் இருக்கிறார். ஈர்க்கிறார்.
-
ரவி
ராவணன் பார்த்தேன். தெரிந்த கதை, கொட்டாவி விட வைக்கும் திரைக்கதை, செயற்கையான குழப்பமான பாத்திரங்கள், அரை வேக்காட்டு வசனங்கள், ஒட்டாத பாடல்கள், தமிழ்நாட்டுக்குப் பொருந்தாத கலை இயக்கம், ஈர்க்காத கதைத் தலைவி… ம்ம்.. பாலாவைத் தவிர வேறு எந்த முன்னணி இயக்குநரும் விக்ரமின் உழைப்பைச் சரியாகப் பயன்படுத்தவில்லை.
-
கார்த்திக்
எதிர்ப்பார்த்தேன். மணி படத்துக்கு மீடியா கொடுக்கும் (கொடுக்கவைக்கும்?) முக்கியத்துவத்தைப் பார்த்தால் கடுப்பு தான் வருகிறது.
எப்போ ஆய்தஎழுத்து படத்துல, தமிழ் படங்களை நக்கல் செய்ற மாதிரி வசனம் வச்சாரோ, அப்பவே மணி மற்றும் சுஜாதா என்றாலே வெறுப்பு தான் வருகிறது. இவர்கள் இருவருக்கும், ஏதோ தாம் தப்பி தவறி இந்தியாவில் பிறந்து விட்டதாக மனதில் நினைப்பு.
-
ரவி
ஊடகங்களுக்குச் சில புனிதப் பசுக்கள் தேவை. அவ்வளவு தான்
-
ரவி
ஒரு முன்னணி நாளிதழில் வேலை பார்க்கும் நண்பர் ஒருவர் சொன்னது: அப்துல் கலாம் பழைய ஆளாகி விட்டதால், மயில்சாமி அண்ணாதுரைக்கு முக்கியத்துவம் கொடுத்து வளர்க்கப் பார்த்தார்களாம். ஆனால், அவருக்கு கலாம் அளவுக்கு craze, charm வர மாட்டேங்குதுன்னு கவலைப்பட்டார்
ஊடகங்கள் எப்படி திட்டமிட்டுச் சிலரை வளர்த்து விடப் பார்க்கின்றன என்பதற்கு இது ஒரு எடுத்துக்காட்டு. சிலருக்கு ஊடகங்கள் தேவை. ஊடகங்களுக்குச் சிலர் தேவை.-
கார்த்திக்
அப்படி வளர்த்து விடப் பட்டவர்கள் தான்:
Maria Sarapova (rather than Serena Williams, Venus or Amélie Mauresmo)
Ronoldino (in last worldcup)
Rooney, Messi (in this world cup)
Ranbir Kapoor, Sonam Kapoor, Imran Khan and a bunch of other crap actors in BollywoodAll the above were big flops.
-
-
புருனோ
// தமிழ் படங்களை நக்கல் செய்ற மாதிரி வசனம் வச்சாரோ//
எந்த வசனம் அது
-
-
புருனோ
//… ம்ம்.. பாலாவைத் தவிர வேறு எந்த முன்னணி இயக்குநரும் விக்ரமின் உழைப்பைச் சரியாகப் பயன்படுத்தவில்லை.
//
மணிரத்னத்தை விட ஹரியும் தரணியும் விக்ரமை நன்றாக பயன்படுத்தினார்கள் என்பது என் கருத்து. இது என் சொந்த கருத்து… கோபப்படாதீர்கள் !!!
-
ரவி
நான் என்னிக்குங்க உங்க கிட்ட கோபப் பட்டேன். தூள், சாமி வகை மசாலா படங்களை விடுவோம். அவற்றுக்குப் பெரிய அலட்டலோ படம் வெளியாவதற்குக் காத்திருப்போ இல்லை. கண்டிப்பாக நானும் இவற்றை ரசித்துப் பார்த்தேன். பிதாமகன், சேது போல் உழைப்பு அல்லது பீமா, கந்தசாமி, ராவணன் போல காத்திருப்பு நேர்ந்த படங்களையே சொன்னேன்.
-
-
kanummc are discussing. 
சந்தோஷ் குரு 8:05 pm on August 27, 2010 Permalink |
படைப்பூக்கம் – ஜெ.மோ எழுத்துக்கள் நிறையா படிக்கிறீங்க போல
ரவி 11:11 pm on August 27, 2010 Permalink |
அவரைப் படிச்சு ரொம்ப நாளாச்சுங்க. பொதுவாகவே தமிழ் இணையம் பக்கமும் ரொம்ப எட்டிப் பார்க்க முடியவில்லை. படைப்பூக்கம், புத்தாக்கம் போன்ற சொற்களைப் பல இடங்களிலும் கண்டிருக்கிறேன். மற்ற எழுத்தாளர்கள் பொதுவாக தயங்கும் இடங்களில் கூட சளைக்காமல் தமிழில் எழுதுவது, கலைச்சொல்லாக்குவது செயமோகனிடம் பிடிச்ச விசயங்களில் ஒன்று.
கார்த்திக் 4:25 pm on August 28, 2010 Permalink |
படைப்பூக்கம் என்றால் innovation தானே?
ரவி 12:11 pm on August 31, 2010 Permalink |
படைப்பூக்கம் = creativity